Charlotte Rampling

D Tessa Charlotte Rampling (* 5. Februar 1946 z Sturmer, Essex, England) isch e britischi Schauspiileri. Si isch d Dochter vo dr Moolerin Isabel Anne (geb. Gurteen) und vom olympische Liichtathlet Godfrey Rampling. Iiri ersti Filmrolle het si 1965 in dr änglische Sexkomödie The Knack (dt. Der gewisse Kniff) bechoo. Zum intressanteri Rolle finde as si z Ängland aabote becho het, isch si uf Italie und het im Luchino Visconti sim umstrittene Politdrama The Damned (dt. Die Verdammten). E baar Joor lang het si denn Rolle in vile italiänische Brodukzioone gha, drunder 1974 im The Night Porter (dt. Der Nachtportier) vo dr Liliana Cavani, wo e riisige Skandal usglööst het, wil er über e sadomasochistischs Verheltnis zwüschen eme ehemoolige Wärter vom ene Konzentrazioonslaager (Dirk Bogarde) und sinere wiblige Gfangnige (Rampling) isch. Druf het si mit em Woody Allen 1980 in Stardust Memories gspiilt. Vo de 1980er aa het si vor allem Rolle in öiropäische Film übernoo und vo 2003 aa au im Theater.